Kryetari i Komunës së Prishtinës z. Përparim Rama ka takuar të hënën Kryeshefin Ekzekutiv të Termokosit, Fisnik Osmani dhe Bordin e Drejtorëve të kësaj Ndërmarrje, ku u diskutua për projektet kapitale në të cilat po punon ndërmarrja Termokos.
Projekti “Solar4Kosova” është njëri prej projekteve që do të transformojë sistemin e energjisë termike në Prishtinë.
Prioriteti i Termokosit është zgjerimi i rrjetit të ngrohjes, deri në mbulueshmërinë e të gjithë Prishtinës me ngrohje. Aktualisht është duke u finalizuar master plani i zgjerimit i cili synon të rrisë efikasitetin dhe të ofrojë një furnizim më të qëndrueshëm e miqësor me mjedisin për qytetarët.
Kryetari Rama gjatë këtij takimi u njoftua që janë bërë përgatitjet e nevojshme që me 15 Tetor të fillojë sezoni i ngrohjes.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
