Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Protesta e opozitës në Tiranë, pati për pasojë lëndimin e dhjetë zyrtarëve policorë nga hedhja e molotovëve, mjeteve piroteknike dhe sendeve të forta nga protestuesit. Mbështetësit e Partisë Demokratike kundërshtuan vendimin e burgosjes së deputetit Ervin Salianji, i dënuar për kallëzim të rremë. Protestuesit, të vendosur përpara Kryeministrisë dhe institucioneve të tjera, hodhën mjete shpërthyese drejt objekteve shtetërore. Për të shpërndarë turmën që u përpoq të mblidhej para Kuvendit, policia përdori gaz lotsjellës. Flamur Noka, Sekretari i Përgjithshëm i PD-së, deklaroi se ky ishte vetëm hapi i parë i një vale protestash, duke theksuar se qeveria teknike është kërkesa kryesore e opozitës. “Do të jemi çdo ditë në aksion”, tha ai. Në prag të protestës, disa të rinj mbanin parullën “Bëjeni Shqipërinë të lirë sërish” ndërsa forcat zjarrfikëse dhe autobote me ujë ishin në gjendje gatishmërie për të ndërhyrë. Shtetet e Bashkuara dhe Bashkimi Evropian kanë shprehur shqetësim për dhunën gjatë protestave dhe kanë bërë thirrje për dialog.
