leoni

U mbajt ecja tradicionale në Malishevë për ndërgjegjësimin kundër kancerit të gjirit

08/10/2024 Institucionet

Sot në qytetin e Malishevës u zhvillua ecja tradicionale në kuadër të aktiviteteve për shënimin e muajit të ndërgjegjësimit kundër kancerit të gjirit. Kjo ngjarje u organizua nga Zyra për Barazi Gjinore dhe Qendra Kryesore e Mjekësisë Familjare (QKMF), me mbështetjen e Kryetarit të Komunës së Malishevës, z.Ekrem Kastrati.
Ecja nisi nga oborri i QKMF-së, duke vazhduar përgjatë bulevardit “Ibrahim Mazreku” dhe përfundoi në oborrin e komunës. Në këtë aktivitet morën pjesë Kryetari Kastrati, drejtues komunalë, anëtarë të Kuvendit Komunal, stafi mjekësor i QKMF-së, organizata joqeveritare, nxënës dhe qytetarë të tjerë.
Kryetari i Komunës, Ekrem Kastrati, në fjalën e tij fillimisht i ftoi të pranishmit për një minutë heshtje në nderim të ish nënkryetarit dhe ish drejtorit të shëndetësisë, Hajdin Berisha. Më pas, ai theksoi rëndësinë e ndërgjegjësimit dhe kujdesit të hershëm ndaj kancerit të gjirit, duke falënderuar profesionistët shëndetësorë për angazhimin e tyre. Ai gjithashtu premtoi mbështetje për të gjitha rastet me kancer të gjirit dhe sëmundje të tjera.
Ganimete Bytyçi-Krasniqi, eksperte radiologe, foli për rëndësinë e shërbimit të mamografisë dhe parandalimin e hershëm të kancerit të gjirit, duke theksuar se kjo sëmundje është ndër më vdekjeprurëset, por ekzaminimi i hershëm mund ta parandalojë atë.
Afrim Krasniqi, drejtori i QKMF-së, njoftoi se gjatë muajit tetor, shërbimet e mamografisë dhe ultrazërit të gjirit do të ofrohen falas në QKMF. Një paciente që kishte tejkaluar kancerin ndau përvojën e saj, duke iu bërë thirrje grave të bëjnë ekzaminime të hershme për parandalimin e sëmundjes.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara