Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri, Avdullah Hoti, ka diskutuar për procesin e dialogut ndërmjet Kosovës dhe Serbisë gjatë kohës kur ai ishte në krye të Qeverisë. Hoti theksoi se qëllimi i dialogut në atë kohë ishte kalimi nga një dialog teknik në një dialog që do të përqendrohej në njohjen reciproke. Hoti përmendi se ata kishin lobuar me aleatët për të konfirmuar gatishmërinë për dialog, duke u fokusuar në çështje dhe parime të caktuara. Ai e kujtoi takimin e parë të dialogut, i mbajtur më 7 korrik, nën kryesimin e kancelarëve dhe presidentëve të atëhershëm, ku u ra dakord për fillimin e procesit që do të çonte në njohjen e ndërsjellë. Sipas tij, kjo marrëveshje përfshinte njohjen reciproke, çështjen e të pagjeturve, dhe bashkëpunimin ekonomik. Dialogu aktual, duke u bazuar në marrëveshjet e nënshkruara në Bruksel dhe Ohër, ka dalë nga binarët dhe nuk po çon në njohje, por në një status quo të re, përfundoi Hoti.
