Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Isa Mustafa dhe Lidhja Demokratike e Kosovës kanë mbetur të vetëm në këmbënguljen e tyre për miratimin me çdo kusht të versionit aktual të Marrëveshjes për Demarkacionin e kufirit me Malin e Zi. Partneri qeveritar, PDK, ka ndryshuar qëndrimet e saj karshi kësaj marrëveshje kontroverse pasi që zyrtarët e saj shprehen të rezervuar, madje edhe e pranojnë që ajo e dëmton Kosovën territorialisht. Deputetët e PDK-së, ndonëse favorizojnë miratimin e Marrëveshjes, ata po kërkojnë rishikimin e saj dhe mundësisht dërgimin e kësaj çështje në arbitrazh ndërkombëtar. Për këtë arsye, kryekuvendari Kadri Veseli ka ftuar me 3 gusht një debat gjithëpërfshirës, në të cilin do të përballen kundërshtuesit e demarkacionit me Komisionin shtetëror për shënjimin e kufirit.
