Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati i PDK-së për Kryeministër, Bedri Hamza, në 25-vjetorin e themelimit të partisë, ka përkujtuar rolin e themeluesve të PDK-së, Hashim Thaçit dhe Kadri Veselit, në lirinë dhe shtetndërtimin e Kosovës. Hamza theksoi se këta liderë bartën mbi supe kapitullin e lavdishëm të lirisë, pavarësisë dhe zhvillimit të Kosovës. Hamza vlerësoi se gjatë viteve të qeverisjes së PDK-së, partia ka realizuar aspiratat më fisnike të shoqërisë kosovare, duke transformuar vendin ekonomikisht. Ai përmendi ndërtimin e rrugëve, autostradave, shkollave dhe spitaleve. Duke folur për sfidat e partisë, Hamza përmendi procesin në Hagë, ku Thaçi dhe Veseli po përballen me gjykime. Hamza, si një bashkëpunëtor i ngushtë i tyre, vuri në dukje përkushtimin dhe dashurinë e tyre për Kosovën, duke shtuar se PDK ka përgjegjësinë të vazhdojë angazhimin për rikthimin e vendit në rrugën e zhvillimit dhe përmbushjes së aspiratave për të cilat u sakrifikuan.
