Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i ‘Listës serbe’, tani deputet në Parlamentin e Serbisë, Goran Rakiq, është rrahur nga disa persona që dyshohet të jenë nga e ashtuquajtura, ‘mbrojtja civile’ bëjnë të ditur burime nga veriu. Sulmi ka ndodhur para hyrjes së banesës së tij në veri të Mitrovicës, ku dyshohet se personat kanë qenë duke e pritur. “Njëri prej këtyre sulmuesve është Goran Vuceniq, vëllau i Vlladan Vuçeniq, të cilët njihen si pjesëtarë të këtij formacioni ilegal ndërsa Vuqeniq akuzohet edhe për pjesëmarrje në grupin terrorist të Banjskës”, kanë thënë burimet, duke shtuar se gjithçka ndërlidhet me një mosmarrëveshje rreth parave në mes të Millan Radojçiqit dhe Rakiqit. Rasti nuk është raportuar në polici dhe po tentohet të mbahet në fshehtësi, kanë thënë këto burime, duke shtuar se pas interesimit të hetuesve nga Policia e Kosovës për rastin, personeli i spitalit është detyruar megjithatë ta protokollojë rastin dhe ai tashmë figuron në librin e Spitalit.
