Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendës-ministri i Ministrisë së Administrimit të Pushtetit Lokal, Arbër Vokrri, ka deklaruar se Ramush Haradinaj, është duke u shpërfaqur si person që e ka humbur ‘shëndetin mendor’. Ai mendon që vendi ka nevojë vërtetë për një opozitë e cila din si të kundër balancojë autoritetin e qeverisë me argumente, ‘sikur ishte Vetëvendosja në opozitë, kur mbushte me gaz lotsjellës Sallën e Kuvendit, derisa nga jashtë e gjuante me mollotov’.
Ky zyrtar Vokrri, nuk do t ia dijë se kush ka qenë dhe kush është aktualisht, Ramush Haradinaj, burrëria dhe trimëria e tij në luftë dhe në paqe, vizioni realist pa modifikime e ekuivokë, besa, nderi dhe krenaria e ligjshme, që janë antipodi i politikanit të improvizuar, sikur është Albin Kurti.
Kryetari i AAK-së, Ramush Haradinaj, politikani më pro-amerikan në Kosovë, është i vetmi që mund ta nxjerrë vendin nga kriza ku e ka degraduar, Albin Kurti, në afër katër vitet e qeverisjes së tij më shumë eksperimentale e virtuale sesa reale e përmbajtësore, sikur kishte premtuar, pavarësisht çka thonë qeveritarët e Kurtit, të cilëve po iu rrëshqet nën këmbë pushteti nga keqqeverisja, gënjeshtrat, mashtrimet, korrupsioni, prishja me aleatët dhe bankrotimi në të gjitha segmentet; ashtu sikur iu kishte rrëshqitur nën këmbë toka e atdheut, kur në pranverë të vitit 1999 kishin ikur nga Kosova, ku Ramush Haradinajt, me luftëtarët e lirisë qëndronin e luftonin kundër regjimit vrastar të kasapit Millosheviq. Të tillët sot kanë gjetur të dallojnë se kush qenka i sëmurë mendor e kush i shëndoshë mendor si ky Vokrri me sojin e tij.
