Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës dhe kryetar i Komisionit për Ekonomi, Ndërmarrësi dhe Tregti, Ferat Shala, ka bërë akuza ndaj Korporatës Energjetike të Kosovës (KEK) dhe qeverisë për fshehjen e një avarie të rëndë që ndodhi në Termocentralin Kosova A. Gjatë një vizite në këtë termocentral, Shala u bë dëshmitar i shpërthimit të një kazani në njësinë A4, e cila shkaktoi ndërprerjen e prodhimit të energjisë elektrike me 125 MW/orë. Shala deklaroi se kjo ngjarje nuk do të ishte bërë publike nëse ai nuk do të kishte qenë aty rastësisht. Pas sinjalizimit të tij, KEK-u konfirmoi ndërprerjen e njësisë. Deputeti paralajmëroi se kjo ç’kyçje do të ketë pasoja të rënda ekonomike për vendin, duke përfshirë humbje të mëdha financiare.
