Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka qëndruar në Pentagon, ku është pritur në takim nga Alton Buland, drejtor kryesor i për Evropën dhe Politikat e NATO-s në zyrën e sekretarit të Mbrojtjes. Me këtë rast, Haradinaj ka thënë se Kosova gjithmonë do të jetë në krah me Amerikën. Gjithmonë është nder i madh të vizitoj Pentagonin dhe të takohem me z. Alton Buland, drejtor kryesor për Evropën dhe Politikat e NATO-s në zyrën e sekretarit të Mbrojtjes. Në fillim të takimit e falënderova z. Buland për angazhimin e madh që Ushtria dhe qeveria amerikane e ka në mbështetje të popullit të Kosovës dhe institucioneve të saj, në veçanti në ndihmën që i kanë dhënë dhe i japin forcimit të Ushtrisë së Kosovës. Gjatë takimit me z. Buland argumentova nevojën për anëtarësimin e përshpejtuar të Kosovës në NATO. Theksova se një proces i përshpejtuar i anëtarësimit të Kosovës në NATO e ndihmon sigurinë dhe stabilitetin në Kosovë dhe rajon. Theksova se Kosova dhe Ushtria gjithmonë do të jetë në krah me Amerikën dhe shteteve tjera anëtare të Aleancës veri-atlantike të NATO-s. Konfirmova se lidhja jonë me Amerikën do të jetë e përjetshme”, ka shkruar Haradinaj.
