Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti, Behgjet Pacolli, u ka bërë thirrje publike kryetares Vjosa Osmani dhe kryeministrit Albin Kurti, që të ndërmarrin masa për të ndaluar njerëzit e tyre që po e ofendojnë atë dhe familjen e tij. Përmes një postimi, Pacolli theksoi se ofendimet dhe shpifjet që po bëhen ndaj tij nuk janë vetëm personale, por ndikojnë edhe te fëmijët e tij. Ai paralajmëroi se, nëse këto sulme vazhdojnë, mund t’i drejtohet organeve të drejtësisë për të mbrojtur integritetin e tij dhe familjes. Pacolli tha se nuk ka ndërmend të merret me individët, por kërkoi nga Osmani dhe Kurti që të verifikojnë faktet përpara se të lejojnë përhapjen e deklaratave të pavërteta. Ai nënvizoi se shpifjet dhe manipulimet me emrin e tij mund të kenë edhe pasoja ligjore, duke paralajmëruar ndërhyrjen e drejtësisë nëse është e nevojshme.
