Këtë të shtunë më 26 tetor, në orën 19:00, në Palestrën e Sporteve “Mizahir Isma” do të zhvillohet ndeshja kthyese e rrethit të Dytë të Kupës Europiane EHF, ndërmjet KH “Rahoveci” dhe kampionit të Belgjikës Achilles Bocholt.
Kjo është një ndeshje vendimtare për të kaluar në fazën tjetër për ekipin e Rahovecit ka shkruar në rrjetin e tij social, Facebook, Kryetari i Komunës z. Smajl Latifi i cili kërkon përkrahje masive të adhuruesve të sportit.
“Ju ftoj të gjithëve të vini në palestër dhe të jemi një zë, një zemër, për ta mbështetur ekipin tonë në këtë sfidë të rëndësishme.
Së bashku mund t’i japim forcën për të triumfuar, thuhet në postimin e kryetarit Latifi.
Ndeshja e parë e zhvilluar në Belgjikë ka përfunduar me fitoren e skuadrës nikoqire Bocholt me rezultatin 32:29 (15:14).
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
