Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zgjedhjet e ardhshme nacionale në Kosovë, të planifikuara për më 9 shkurt 2025, do të sjellin disa ndryshime të rëndësishme në procesin zgjedhor. Kostoja e përgjithshme e këtyre zgjedhjeve pritet të arrijë rreth 8.7 milionë euro, sipas një planifikimi të Komisionit Qendror të Zgjedhjeve. Valmir Elezi, zëdhënës i KQZ-së, deklaroi se kjo shifër përfshin shpenzimet për personelin dhe trupat zgjedhore, të cilët do të përfshijnë mbi 23 mijë persona, si dhe për funksionalizimin e 38 Qendrave Komunale të Numërimit, që do të jenë një risi në këtë proces. Ndryshimet ligjore përfshijnë një rritje të numrit të kandidatëve që një votues mund të zgjedhë nga një subjekt politik, nga 5 në 10. Gjithashtu, numërimi i votave për kandidatët për deputetë do të bëhet një ditë pas zgjedhjeve, ndërsa rezultatet preliminare për partitë politike do të publikohen më shpejt.
