Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nga data 13 tetor 2024, Korporata Energjetike e Kosovës ka funksionuar pa licencë. Ky shqetësim u ngrit në seancën e jashtëzakonshme të Kuvendit nga kryetari i Komisionit për Ekonomi, Ferat Shala, i cili theksoi se KEK-u nuk ishte licencuar nga Komisioni i Pavarur për Miniera dhe Minerale, duke e ndaluar atë të hulumtojë, eksploatojë dhe të përpunojë mineralet, përfshirë resurset e thëngjillit. Një ditë pas kësaj seance, KEK-u njoftoi se kishte pranuar licencën e nevojshme, që në fakt ishte lëshuar më 22 tetor 2024, me vlefshmëri që nga 13 tetori 2024. KEK-u ka qenë në qendër të vëmendjes pas arrestimit të kryeshefit të saj, Nagip Krasniqi, dhe për shkak të komunikimeve të tij me Dejona Mihalin të Vetëvendosjes, e cila i jepte udhëzime për punën e tij në ndërmarrje dhe reduktime të rrymës.
