Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dogana e Kosovës ka hedhur poshtë akuzat e autoriteteve serbe se është përgjegjëse për krijimin e kolonave të kamionëve në pikën kufitare të Merdares. Situata e krijuar daton nga 7 tetori, kur Kosova ka hequr pjesërisht ndalesën për importin e mallrave serbe. Sipas zëdhënësit të Doganës së Kosovës, Adriatik Stavileci, bashkimi i të gjitha dërgesave në një korsi nga ana serbe është shkaku i vonesave. Ai ka sqaruar se Kosova ka shtuar kapacitetet për përpunimin e kamionëve, përfshirë njësitë speciale të kontrollit, për të ruajtur sigurinë. Serbia këmbëngul që ritmi i ngadaltë i Doganës së Kosovës është i qëllimshëm. Sipas Aleksandar Radovanoviq nga Oda Ekonomike e Serbisë, rregullimet infrastrukturore të kufirit nuk mund të ndryshojnë për shkak të terrenit, duke theksuar se importi i lëndëve të para për në Kosovë lejohet vetëm në Merdare, dhe që rëndon situatën.
