Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti serb, Aleksandar Vuçiq, ka deklaruar se Serbia po përgatit skenarë për të dy rezultatet e zgjedhjeve presidenciale në Shtetet e Bashkuara, ku kandidatët kryesorë janë Kamala Harris nga Partia Demokratike dhe Donald Trump nga Partia Republikane. Ai theksoi se përgatitjet përfshijnë një analizë të detajuar për mundësitë që secili lider mund të sjellë në marrëdhëniet ndërkombëtare dhe rajonale. Analistët politikë në Serbi, si Boshko Jakshiq dhe Igor Novakoviq, vlerësojnë se ky përgatitje është e domosdoshme për shkak të ndryshimeve të mundshme në politikën e jashtme amerikane, që pritet të ndikojnë në rajonin e Ballkanit Perëndimor. Jakshiq thekson se fitorja e Trump do të nënkuptonte një linjë më të kujdesshme ndaj Rusisë dhe Kinës, ndërsa Harris do të përqendrohej në promovimin e demokracisë dhe të drejtave të njeriut, gjë që mund të rrisë presionin ndaj qeverisë serbe.
