Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Banorët e zonave që furnizohen me ujë të pijshëm nga Liqeni i Badocit janë paralajmëruar të mos pinë ujin për të paktën dy javë për shkak të niveleve të rritura të manganit, të cilat janë ndikuar nga ndryshimet sezonale dhe temperaturat e ndryshueshme. Instituti Kombëtar i Shëndetësisë Publike të Kosovës, raportoi se përmbajtja e manganit ka arritur deri në 0.550 mg/L, ndërsa standardet e lejuara janë vetëm 0.05 mg/L. Ky fenomen natyror është përkeqësuar nga infrastruktura aktuale e trajtimit, ku marrja e ujit është fikse dhe nuk mund të kontrollohet për të shmangur shtresat më të ndotura të liqenit. KRU “Prishtina” sqaroi se edhe nëse uji vlohet, nuk bëhet i pijshëm, pasi mangani është element kimik dhe jo bakteriologjik.
