Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Shqipërisë miratoi një projektligj që rregullon funksionimin dhe organizimin e forcës së rezervistëve. Ministri i Mbrojtjes, Pirro Vengu, njoftoi se synohet që nga janari i vitit 2025 të nisin hapat e parë për formimin e kësaj force. Vengu theksoi se ky projektligj u jep mundësi ushtarakëve që kanë vendosur të zhvillojnë karrierën në sektorin privat, për të angazhuar edhe në Forcat e Armatosura të Shqipërisë për misione specifike, përfshirë misionet paqeruajtëse në kuadër të angazhimit në NATO dhe në rajon. Ai theksoi nevojën për krijimin e forcës së rezervistëve si përgjigje ndaj sfidave të reja të sigurisë dhe standardeve të NATO-s. Qeveria do të ndajë 15.5 milionë euro vitin e ardhshëm për këtë forcë, e cila do të përfshijë 25% të forcave aktive, ose rreth 2,100 persona, për të siguruar një kapacitet të rëndësishëm për reagim të shpejtë në raste emergjente. Ai po ashtu përmendi rritjen e trajtimit financiar për punonjësit e sektorit të mbrojtjes, me një shtesë në pagë që arrin deri në 700 euro për rreth 6,000 punonjës të Forcave të Armatosura.
