Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës, Ganimete Musliu, ka vlerësuar se asnjë parti nuk mund të krahasohet me suksesin dhe punën që ka bërë PDK-ja sa ka udhëhequr vendin. “Gjatë gjithë mandatit qeveritar kemi pasur dy tri video dhe postime nga Lëvizje Vetëvendosje nuk kanë prezantuar një rezultat apo një punë që ka kryer kjo Qeveri, të gjitha janë gjykime dhe propagandë ndaj partive të tjera politike. Qytetarët e kanë parë saktësisht rezultatin janë lodhur me fjalë e përralla me formula e filozofi, e të cilat në realitet po dëshmojnë që nuk i dinë por janë munduar t’i fshehin dështimet e tyre mbrapa këtyre formulave dhe sot janë të bindur që është PDK-ja ajo, se atë që e thotë e mban dhe e realizon. Le të vendosin vetë qytetarët se a dëshirojnë punë, paga të larta apo dëshirojnë fjalë përralla dhe fotografi në Facebook. Qytetari i Republikës së Kosovës, e ka vlerësuar dhe analizuar secilën parti në vend dhe janë bindur që asnjë parti nuk mund të krahasohet me punën dhe suksesin që ka shënuar PDK-ja. Më 9 shkurt, Kosova do ta merr drejtimin e duhur” ka thënë mes tjerash deputetja e Partisë Demokratike të Kosovës, Ganimete Musliu.
