Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot bëhen 8 vjet nga vdekja e Astrit Deharit. Tetë vite më parë aktivisti i “Vetëvendosjes” Astrit Dehari ishte gjetur i vdekur në qelinë e tij, ku po mbahej në paraburgim, në Prizren, i cili akuzohej bashkë me pesë aktivistë tjerë për gjuajtjen e Kuvendit të Kosovës, me zollë. Për mos-zbardhjen e vdekjes së djalit të tij, ka folur babai i Astritit, Avni Dehari. Ai deklaroi se Ministria e Drejtësisë ka kërkuar nga Prokuroria disa herë të zbardhet ky rast, por ajo e ka konsideruar si ndërhyrje. Pushtetet janë të ndara dhe nuk kanë mundësi t’i përzihen Prokurorisë. Kanë kërkuar shpesh herë si ministrja dhe kabineti i saj që të zbardhet këtë rast edhe atë e kanë konsideruar si ndërhyrje. Avni Dehari thotë se çështja e djalit të tij është në dorën e Prokurorisë, që nga fillimi e deri më sot janë të njëjtit persona që kanë qenë në vitin 2016 dhe nuk kanë bërë diçka më tepër, ka thënë mes tjerash, babai i Astritit, Avni Dehari.
