Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazetari Mero Baze e vlerësoi mbledhjen e përbashkët të qeverive të Kosovës dhe Maqedonisë së Veriut në Prishtinë si një veprim që favorizon qëndrimet e Mickoskit, të cilat ai i sheh si anti-shqiptare. Ai theksoi se kryeministri i Kosovës, Albin Kurti, po legjitimon përpjekjet e Mickoskit për eliminimin e gjuhës shqipe si gjuhë zyrtare në Maqedoni. Gjuha shqipe ka statusin e gjuhës zyrtare në Maqedoni falë Marrëveshjes së Ohrit të vitit 2001, e cila u arrit pas luftës dhe angazhimeve të shqiptarëve si popull shtetformues. Gazetari paralajmëron se përpjekjet për të hequr gjuhën shqipe si gjuhë zyrtare në Maqedoni mund të kenë pasoja të rënda, duke kërkuar që shqiptarët e Maqedonisë së Veriut t’i kundërvihen jo vetëm Mickoskit, por edhe Kurtit për veprimet që konsiderohen si dëm ndaj interesave të shqiptarëve.
