Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Parlamenti Evropian ka planifikuar për 27 nëntor votimin për konfirmimin e përbërjes së re të Komisionit Evropian, që do të udhëhiqet nga Ursula von der Leyen për një mandat të ri pesëvjeçar.
Pas miratimit nga grupet kryesore politike të Parlamentit Evropian – Partia Popullore Evropiane , Socialistët dhe Demokratët, dhe liberalët – përbërja e Komisionit Evropian ka siguruar mbështetje të mjaftueshme për t’u votuar. Edhe grupet e ekstremit të djathtë pritet të japin votat e tyre, pasi disa kandidatë të propozuar vijnë nga këto grupe.
Në rast të konfirmimit, Komisioni i ri do të nisë mandatin më 1 dhjetor. Për Ballkanin Perëndimor, fokusin do ta kenë komisionarja për Zgjerim, Marta Kos, dhe përfaqësuesja për Politikë të Jashtme dhe Siguri, Kaja Kallas, të cilat kanë premtuar angazhim për avancimin e procesit të zgjerimit të BE-së.
