Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e rregullt për këtë vit kalendarik të Kuvendit Komunal të Rahovecit.
Të pranishëm në seancë përveç shumicës së kuvendarëve, si zakonisht ishin edhe Kryetari i Komunës Smajl Latifi, Nënkryetari Fatmir Iska, drejtorët e drejtorive komunale, zyrtarët komunalë, mediat që monitorojnë seancën dhe përfaqësuesit e OSBE-së.
Fillimi i seancës u karakterizua me votim të procesverbalit nga mbledhja e kaluar, për të vazhduar me diskutime dhe pyetje të ndryshme nga kuvendarët, drejtuar kryetarit të komunës dhe drejtorive përkatëse.
Pyetjet dhe diskutimet ishin rreth këtyre çështjeve:
Detaje rreth operimit të hotel “Park Plaza” – plani investiv dhe diskutime për shfuqizimin e vendimit për dhënien në shfrytëzim të pronës komunale
Çështja e pronave të privatizuara të Komunës së Rahovecit në procesin e privatizimit – procesi i privatizimit, historiku i parcelave dhe shqetësimi i fermerëve
Procedurat për vendosjen e trafos në lagjen “Vëllezërit Frashëri”
Interesimi i vogël për qëndrim ditor te shtëpia e të moshuarve
Projekti i kanalizimit prej Hoçës së Madhe deri në Krushë të Madhe
Punimet në ballkonin panoramik “Grape city”;
Kontratat e lidhura për lendë djegëse, dru dhe pelet, për shkollat dhe çerdhet e Komunës së Rahovecit
Caktimi i normave tatimore për tatimin në pronën e paluajtshme për vitin 2025, nga 0.16% në 0.10%.
Rendi i Ditës ishte voluminoz me 8 pika, plus 2 shtesë:
-
Shqyrtimi dhe miratimi i procesverbalit nga mbledhja e kaluar
-
Pyetjet, përgjigjet dhe diskutimet e kuvendarëve
-
Shqyrtimi dhe miratimi i propozim-vendimit për caktimin e normave tatimore për tatimin në pronën e paluajtshme për vitin 2025
-
Shqyrtimi dhe miratimi i propozim-vendimit për ndarje të parcelave në ZK- Kramovik P- 00760-1 dhe ZK Petkoviq (Gur i Kuq) P-00185-0, 01122-0, 01124-1 dhe 01124-2
-
Shqyrtimi dhe miratimi i propozim-vendimit për dhënien në shfrytëzim afatshkurtër të pronës komunale, P- 00268-1 ZK-Hoçë e Madhe
-
Shqyrtimi dhe miratimi i vendimit për formimin e komisionit për zbatimin e procedurave dhe vlerësimin e ofertave të dhënies në shfrytëzim të pronës së paluajtshme të komunës, P-00268-1 ZK Hoçë e Madhe
-
Shqyrtimi dhe miratimi i vendimit për shfuqizimin e vendimit 01 Nr.253/24, i datës 24.9.2024, për dhënien në shfrytëzim afatshkurtër të pronës së paluajtshme të komunës dhe vendimin 01 Nr.254/24, të datës 24.9.2024, për formimin e komisionit për zbatimin e procedurave dhe vlerësimin e ofertave për dhënien në shfrytëzim të pronës komunale
8.Shqyrtimi i informatës për punën e bujqve të Komunës së Rahovecit
Shtesë:
-
VENDIM I KUVENDIT – për shpalljen në interes të përgjithshëm të pjesëve të parcelave në Kramovik dhe Petkoviq
-
VENDIM I KUVENDIT – për shfuqizimin e vendimit për dhënien në shfrytëzim të pronës komunale – Hotel Park.
