Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i LDK, Avdullah Hoti, i ka kërkuar kryetares Vjosa Osmani të rikthejë ligjin e buxhetit për vitin 2025 në Kuvend për një shqyrtim të tretë, duke theksuar se ky ligj është miratuar me dy shkelje ligjore dhe nuk përmbush nevojat kyçe buxhetore. Kryetarja duhet ta refuzojë ligjin në formën aktuale. Hoti përmend se miratimi i ligjit të buxhetit ka shkelur nenin 33, i cili prek strukturën e ligjit të pagave, dhe nenin 35, që prek ligjin e tatimit në pronë. Ai thekson se këto ndryshime mund të bëhen vetëm përmes ndryshimit të ligjeve përkatëse. Hoti ka ngritur shqetësimin se buxheti nuk adreson në mënyrë të mjaftueshme çështje të rëndësishme, si rritja e pagave dhe pensioneve për shkak të inflacionit, financimi i projekteve kapitale të papërfunduara, mbështetja për shëndetësi dhe arsim, dhe alokimi i fondeve për mbrojtjen dhe kontratën kolektive të punës. Ai gjithashtu kritikon dështimin e buxhetit për të përfshirë kërkesat e institucioneve të pavarura dhe organizatave buxhetore qendrore e lokale.
