U prezantua projekti i Hartës Zonale Komunale të Vitisë

26/11/2024 Institucionet

Në Viti sot është mbajtur një aktivitet informues mbi projektin e Hartës Zonale Komunale, i organizuar nga USAID-i dhe Drejtoria për Urbanizëm dhe Planifikim Hapësinor. Ky projekt u prezantua nga kompania e kontraktuar INSI, e cila ka përgatitur dokumentin sipas standardeve ligjore dhe teknike.

Në takim morën pjesë përfaqësues të organizatave joqeveritare, grupe të interesit dhe qytetarë të zonës urbane. Takimin e hapi drejtori i Urbanizmit dhe Planifikimit Hapësinor në Viti, Visar Demiri, i cili theksoi rëndësinë e këtij projekti për planifikimin e qëndrueshëm urban dhe zhvillimin ekonomik të komunës.

Ndërsa, menaxheri i projektit në komunën e Vitisë, Liridon Jonuzi, foli për rëndësinë e hartave zonale, duke i cilësuar ato si instrumente thelbësore për menaxhimin dhe zhvillimin hapësinor të territorit komunal. Përfaqësuesit e INSI-t, gjatë prezantimit, ofruan një pasqyrë të qartë mbi bazën ligjore të hartimit të hartës zonale, duke theksuar kornizën ligjore që e obligon këtë proces, bazuar në dokumente të nivelit ndërkombëtar, qendror dhe lokal. Në pjesën e dytë të aktivitetit, qytetarët dhe përfaqësues të bizneseve patën mundësinë të parashtronin pyetje dhe të diskutojnë rreth përfitimeve dhe sfidave që sjell ky projekt. Përfaqësuesit e INSI-t ofruan përgjigje të detajuara për çdo çështje të ngritur, duke e vlerësuar angazhimin dhe interesimin e komunitetit lokal për këtë proces të rëndësishëm planifikimi.

Projekti i Hartës Zonale pritet të kontribuojë në zhvillimin e koordinuar dhe të qëndrueshëm të komunës, për periudhën 2025-2032 duke garantuar një planifikim më të mirë të zonave urbane dhe rurale.

Kontrolloni gjithashtu

Bëhet e ditur agjenda Agjenda dhe kalendari i aktiviteteve zyrtare për shënimin e 28 Nëntorit në Skënderaj

Me rastin e shënimit të festës së 28 Nëntorit, Komuna e Skenderajt nën përkujdesjen e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara