Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i Televizionit Publik të Kosovës, Rilind Gërvalla, ka pranuar publikisht se përfshiu gabimisht Agjencinë e Kosovës për Inteligjencë, në një lajm kundër gazetave Nacionale dhe Periskopi, të cilat i akuzonte për lidhje me Serbinë. Pranimi i tij erdhi pas publikimit të një audio-incizimi, ku dëgjohet duke përmendur AKI-në si burim të informacionit të botuar fillimisht nga mediumi boshnjak “Slobodna Bosna”. Në deklaratën e tij, Gërvalla arsyetohet se presioni publik dhe nga disa anëtarë të bordit e detyruan të bëjë këtë gabim, për të cilin kërkoi falje. Pavarësisht pranim-it të përgjegjësisë dhe dënimit publik që pasoi, Gërvalla nuk dha dorëheqje nga posti, duke deklaruar se qëllimi i tij ishte mbrojtja e vendit nga sulmet hibride të Serbisë. Ai gjithashtu shprehu krenari për bashkëpunimin e tij të vazhdueshëm me institucionet e sigurisë dhe inteligjencës.
