Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka bërë homazhe në Kompleksin Memorial në Prekaz, në kujtim e nderim të të rënëve për liri. Haradinaj ka thënë se Prekazi është vendi ku merr kuptim liria. “Në Prekazin heroik, aty ku merr kuptim liria dhe flamuri”. Gjatë ditës, Haradinaj, ishte edhe në Boletin, duke përkujtuar personalitetin e Isa Boletinit. “Në Boletin, aty ku prehet Isa Boletini, njeriu që u njoh dhe u respektua nga kancelaritë më të fuqishme të kohës, gjithnjë në mbrojtje të së drejtës së shqiptarëve që për dekada u mohua padrejtësisht, ndjeva krenarinë e përjetshme që na lë trashëgimi figura e tij. Isa Boletini mbetet shembull frymëzimi për të mbrojtur lirinë, identitetin dhe të drejtat, shembull frymëzimi për të gjithë ne, për të dashur dhe mbrojtur lirinë, identitetin dhe të drejtat tona, siç ai bëri me guxim dhe përkushtim të pashoq”, ka theksuar Ramush Haradinaj.
