U mbajt një tryezë e rrumbullakët me rastin e themelimit të Zyrës për ndihmë juridike falas në Viti

27/11/2024 Institucionet

Me rastin e themelimit të Zyrës për Ndihmë Juridike Falas sot në Viti, u mbajt një tryezë e rrumbullakët me përfaqësues komunal dhe OJQ-të në Komunën e Vitisë. Kryetar i Komunës së Vitisë, Sokol Haliti si nikoqir i këtij takimi mirëpriti themelimin e Zyrës Mobile për Ndihmë Juridike Falas Viti, nëpërmjet së cilës qytetaret e komunës kanë mundësi të realizojnë të drejtat e tyre. Ai theksoi se komuna e Vitisë, ka siguruar hapësirat e punës për këtë zyre dhe në vazhdimësi do ta mbështes funksionimin e saj.

Kurse Faton Jashari, U.D. Drejtor Ekzekutiv i Agjencisë për Ndihmë Juridike Falas, theksoi rëndësinë e shtrirjes së ndihmës juridike falas edhe në Komunën e Vitisë si dhe rëndësinë e bashkëpunimit ndërinstitucional me këtë zyre, akterëve komunal dhe organizatave jo qeveritare në nivel lokal me qëllim të sigurimit të qasjes në drejtësi.

Përndryshe kjo zyre do të shërbejë për ofrimin e shërbimeve të ndihmës juridike falas të gjithë qytetareve të cilët për shkak të mungesës së mjeteve financiare nuk kanë pasur mundësi t’i realizojnë të drejtat e tyre apo nëse bëjnë pjesë në kategoritë e veçanta të përfituesve të ndihmës juridike falas.

Po ashtu të pranishëm në këtë tryezë ishin përfaqësues tjerë nga komuna e Vitisë, Stacionit Policor, gjykatës në Viti, Qendra për Punë Sociale, Mbrojtësi i viktimave, Avokatit të Popullit, përfaqësues të organizatave joqeveritare lokale dhe të tjerë.

Bëhet me dije se Zyra për Ndihmë Juridike Falas në Viti, gjendet në objektin e komunës, kati 1. Orari i punës: mërkurë deri të premten duke filluar nga ora 8:00 deri 16:00. Gjithashtu qytetarët mund të telefonojnë falas në numrin: 0800 11 777 ose kontaktoni në emali adresën: [email protected] Ky aktivitet është mbështetur nga OSCE.

Kontrolloni gjithashtu

Në kujtim të një prej ditëve më të lavdishme për kombin tonë, u bënë homazhe në Kompleksin Memorial në Gllogjan

Në kujtim të një prej ditëve më të lavdishme për kombin tonë, bëmë homazhe në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara