Kryetari i komunës së Rahovecit, z. Smajl Latifi ka marrë pjesë në ceremoninë madhështore të organizuar nga Ambasada e Republikës së Shqipërisë në Kosovë, për shënimin e 112-vjetorit të Pavarësisë së Shqipërisë dhe 80-vjetorin e çlirimit.
Në postimin e tij në facebook, Latifi ka shkruar:
Sonte, pata nderin të marr pjesë në ceremoninë madhështore të organizuar nga Ambasada e Republikës së Shqipërisë në Kosovë, për shënimin e 112-vjetorit të Pavarësisë së Shqipërisë dhe 80-vjetorin e çlirimit.
Falënderoj Ambasadorin e Shqipërisë, Shkëlqesinë e Tij, z. Petrit Malaj, për ftesën dhe mikpritjen e ngrohtë!
Ishte kënaqësi e veçantë të ndaj këto çaste të rëndësishme me miq e bashkëpunëtorë, duke përkujtuar rrugën e mundimshme dhe të gjatë të shqiptarëve, sakrificën e dëshmorëve dhe heronjve të atdheut, gjakun e kuq që u derdh ndër breza për liri dhe pavarësi kombëtare.
Urime shqiptarë kudo që jeni për festën tonë kombëtare, 28 NËNTORIN!
Gëzuar 80-vjetorin e çlirimit, Republika e Shqipërisë!
Smajl Latifi, kryetar i Komunës së Rahovecit.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
