MINISTRI I ZHARKU PËRUROI RRUGËN E RE MORINË-REZALLË

30/07/2016 Institucionet

Ministri i Infrastrukturës, Lufti Zharku me zëvendësministrat Hanefi Muharremi dhe Fehmi Mujota, si dhe me nënkryetarin e komunës së Skenderajt, Fadil Nura, përuroi rrugën e re, e cila i lidh fshatrat Morinë dhe Rezallë të Skenderajt.

Pas përurimit të kësaj rruge, ministri Zharku theksoi: ”Jemi bashkë më nënkryetarin z. Nura këtu në Rezallë për përurimin e rrugës së re, të një rruge evropiane, Morinë-Rezallë, një investim përafërsisht 900 mijë eurosh i Ministrisë së Infrastrukturës, me gjatësi rreth 6 kilometra dhe gjerësi prej 6 metrash. Në komunën e Skenderajt ne do të vazhdojmë edhe me investime të projekteve tjera. Në muajin maj e kemi nënshkruar një memorandum mirëkuptimi për financimin e 4 rrugëve të tjera, që kapin vlerën prej 1 milionë e 250 mijë eurosh. Me projekte të këtilla fshatrat e komunës së Skenderajt do të lidhen në mes veti dhe natyrisht, do të kemi një rritje të mirëqenies së qytetarëve dhe një zhvillim ekonomik, posaçërisht të bujqësisë.

Ndërkaq, nënkryetari i Komunës së Skenderajt, Fadil Nura, realizimin e këtij projekti e vlerësoi si të rëndësishëm dhe për këtë e falënderoi ministrin Zharku. “Ky projekt ka një rëndësi të madhe për këtë rajon, sepse është njëri nga rajonet më të goditura gjatë luftës. Jemi në procedurat e tenderimit për pjesën e dytë të kësaj rruge deri në fshatin Likovc”, theksoi nënkryetari Nura.

Gjatë këtij përurimi, ministri Zharku me bashkëpunëtorë bëri homazhe te varrezat e dëshmorëve në Rezallë.

Investitore e realizimit të këtij projekti është Ministria e Infrastrukturës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara