Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në kuadër të 112-vjetorit të Pavarësisë, është zhvilluar ceremonia shtetërore në Pallatin e Brigadave, e organizuar nga Presidenti i Republikës, Bajram Begaj. Në këtë ceremoni ishin të pranishëm liderët e lartë të Shqipërisë, trupi diplomatik, përfaqësues të politikës nga Kosova, si dhe personalitete të tjera. Në fjalën e tij, Presidenti Begaj riafirmoi angazhimin e Shqipërisë për të mbështetur Kosovën në përpjekjet e saj për njohjen ndërkombëtare dhe integrimin evropian. Ai theksoi se kjo është një ditë e veçantë për të falënderuar mikun dhe aleatin strategjik të kombit shqiptar, Shtetet e Bashkuara të Amerikës, për mbështetje të pandërprerë që ka dhënë gjatë gjithë periudhës nga shpallja e pavarësisë së Shqipërisë deri tek ajo e Kosovës. Presidenti Begaj theksoi se Shqipëria dhe Kosova duhet të jenë të vetëdijshme për forcën që kanë si dy shtete të lidhura ngushtë dhe duhet ta shfrytëzojnë këtë forcë në shërbim të aleancave që do të forcojnë rolin e tyre në arenën ndërkombëtare.
