Në Viti u mbajt mbledhja e tretë e KKSB-së

02/12/2024 Institucionet

Këshilli Komunal për Siguri në Bashkësi (KKSB), në Viti, sot ka mbajtur mbledhjen e tretë të rregullt, ku me theks të veçantë është biseduar për çështjet e sigurisë dhe bashkëpunimit të mekanizmave të rëndësishëm në këtë fushë.

Nënkryetari i komunës Hasan Aliu, duke vlerësuar lartë punën e të gjithë anëtarëve dhe të gjithë akterëve të sigurisë ka falënderuar KKSB-në, Ekipin Veprues për Siguri në Bashkësi (EVSB), KFOR-in amerikan, FSK-në, bashkësitë fetare, komunitetet etj. Nënkryetari Aliu tha se pavarësisht që këtë vit kemi mbajtur më pak mbledhje se vitet paraprake, së bashku kemi punuar pandërprerë për sigurinë dhe mirëqenien e qytetarëve vitias, dhe se komuna e Vitisë është munduar që të gjitha rekomandimet të cilat kanë dalë nga ky ekip t’i zbatoj. Ndërkaq komandanti i Stacionit Policor në Viti, Kapiten Afrim Halili, ka theksuar se me përmbylljen e vitit 2024, po përmbushim edhe një vit të suksesshëm, sa i përket situatës së sigurisë, me rënje drastike të vjedhjeve të rënda, zbulueshmëri të rasteve në nivel më të lartë se vitin e kaluar etj. Ai gjithashtu tha se, tani jemi në përgatitje për sezonin dimrorë dhe festat e fundvitit dhe bëri apel tek qytetarët që të festojnë me zemër e pa armë. Gjendjen e sigurisë në komunën e Vitisë, Halili e vlerësoj të qetë dhe stabile, gjithashtu ka falënderuar institucionet komunale për bashkëpunimin e vazhdueshëm.

Gjatë kësaj mbledhje janë ftuar qytetarët vitias që festat e fundvitit t’i festojnë qetë.

Kontrolloni gjithashtu

SHMP “Lasgush Poradeci” në Kijevë shënoi Ditën e Shkollës

Shkolla e Mesme Profesionale “Lasgush Poradeci” në Kijevë shënoi Ditën e Shkollës. Në këtë manifestim …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara