Komuna e Vitisë, konkretisht Qendra Kryesore e Mjekësisë Familjare (QKMF) në Viti në bashkëpunim me Qendrën e Shëndetit Publik në Gjilan, Drejtorinë Komunale të Arsimit dhe Shkollën Fillore të Mesme të Ulët “Halil Alidema” në Pozheran, ka shënuar sot Ditën Botërore të HIV /AIDS me nxënësit e klasëve të IX-ta.
Dr.Vjollca Kadolli-Halili drejtoreshë e QKMF -Viti dhe Drita Pira drejtoreshë e shkollës, para të pranishmëve sqaruan qëllimin e ligjëratës, si dhe aktivitetet që QKMF po ndërmerrë në misionin e saj për parandalim dhe edukim shëndetësor.
Me këtë rast dr.Festona Qamili – mjeke nga QKMF-së në Viti, ka mbajtur ligjëratën para nxënësve dhe ka treguar për shifrat ne botë, por edhe ne Kosovë. Që nga rasti i parë në Kosovë janë 212 raste me HIV/AIDS. Vetëm në vitin 2024 në Kosovë janë paraqitur 31 raste të reja.
Vlen të theksohet se QKMF në vazhdimësi përmes aktiviteteve të ndryshme në shkolla dhe komunitet po shënon ditët e kalendarit të promocionit të shëndetit.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
