Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësja e BE-së, Anitta Hipper, në konferencë për medie, ka njoftuar se nesër (e martë), përfaqësuesja e lartë e Bashkimit Evropian (BE), Kaja Kallas pritet të takohet me liderët e Kosovës dhe Serbisë. E pyetur nëse ky takim do të bëhet në kuadër të dialogut, Hipper ka mohuar një gjë të tillë. “Ky nuk është takim në kuadër të dialogut”, ka thënë zëdhënësja e BE-së. Sot në Bruksel pritet të qëndrojnë liderët e 6 vendeve të Ballkanit Perëndimor. Ata do të kenë takim edhe me presidentin e KE-së, Antonio Kosta. Nuk dihet se në çfarë niveli do të përfaqësohen vendet e 6 vendeve perëndimore atje. Deri tani pjesëmarrjen në Bruksel e ka konfirmuar presidenti i Serbisë i cili në një konferencë për media ka thënë se në kryeqytetin evropian do të jetë edhe Kurti, por Qeveria e Kosovës ende s’ka bërë ndonjë njoftim.
