Kryetari i Komunës së Deçanit Bashkim Ramosaj me rastin e shënimit të 3 dhjetorit – Dita Ndërkombëtare të Personave me Aftësi të Kufizuara ka theksuar se duhet reflektuar mbi rëndësinë e përfshirjes dhe respektit ndaj të gjithëve.
“Dita Ndërkombëtare e Personave me Aftësi të Kufizuara” është një mundësi për të reflektuar mbi rëndësinë e përfshirjes dhe respektit ndaj të gjithëve. Çdo individ ka vlera unike për shoqërinë.
Le të ndërtojmë një botë ku askush nuk mbetet prapa! ka shkruar në faqen e tij në facebook, kryetari i Komunës së Deçanit, z. Bashkim Ramosaj.
Asambleja e Kombeve të Bashkuara, në vitin 1992 shpalli 3 dhjetorin Ditë Ndërkombëtare të Personave me Aftësi të Kufizuara, me qëllim të promovimit të të kuptuarit të çështjeve mbi aftësinë e kufizuar dhe të mobilizimit në përkrahjen për dinjitet, të drejta dhe mirëqene të personave me aftësi te kufizuara.