Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Memli Krasniqi, ka reaguar ndaj njoftimit të Zyrës së Prokurorit për aktakuzën e re ndaj ish-presidentit Hashim Thaçi, i cili ndodhet në paraburgim prej katër vitesh. Ai ka ngritur shqetësime për drejtësinë dhe paanshmërinë e këtij procesi. Arrestimi i tri personaliteteve të tjera dhe fletëthirrja për Hajredin Kuçin vetëm sa e thellojnë këtë shqetësim. Procesi duhet të jetë i drejtë, i paanshëm dhe profesional, siç e meritojnë qytetarët dhe luftëtarët tanë, ka theksuar Krasniqi, duke rikujtuar se lufta çlirimtare e popullit të Kosovës ishte e drejtë dhe fisnike. Gjykata duhet të veprojë bazuar vetëm në fakte dhe parime ligjore, duke shmangur çdo veprim që synon të rishkruajë historinë apo të cenojë sakrificat e atyre që luftuan për lirinë e Kosovës, ka saktësuar Memli Krasniqi.
