Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Xhelati monstruoz, tirani kriminel sirian, Bashar al-Assad është zhdukur. Pas gati 25 vitesh në pushtet, dhe 54 për familjen Assad, ai nuk është në pallatin presidencial, në Damask, i cili është pushtuar nga kryengritësit. “Tirania e tij ka marrë fund”, thonë fitimtarët, të cilët njoftojnë se ai është arratisur. Sipas informacioneve të qarkulluara nga burime siriane, thuhet se Assad hipi në një Ilyushin-76, të Forcave Ajrore Siriane, i cili u nis me nxitim nga Aeroporti Ndërkombëtar i Damaskut, u kthye në drejtim të Homsit, humbi lartësinë dhe u zhduk nga radarët. Cilido qoftë fati i Assadit, gruaja e tij, Asma, me tre fëmijët e tyre thuhet se mbërriti dje në Rusi. Kryengritësit morën Damaskun pa shumë rezistencë pasi forcat ruse dhe iraniane ishin tërhequr një ditë më parë dhe Ushtria Arabe Siriane shmangu përfshirjen e tyre. Rënia e Assad u vulos dje nga aleatët e tij kryesorë, Rusia dhe Irani, së bashku me Turqinë.
