Në Ditën e Bibliotekës Komunale, në Rahovec u kujtua jeta dhe vepra e shkrimtarit dhe atdhetarit të madh, Sulejman Krasniqi i cili me penën dhe me përkushtimin e tij i dha frymë dhe zemër dashurisë për atdheun.
Në këtë ngjarje të rëndësishme, së bashku me familjen e tij të respektuar, vajzën Albanën, djemtë: Sokolin dhe Derandin, si dhe të afërmit e tjerë, u ndanë momente krenarie dhe mirënjohjeje për trashëgiminë që na la Sulejman Krasniqi. Ai ishte zëri i historisë sonë, i heronjve tanë dhe i ndjenjave të popullit që, edhe nën dhunë e represion, nuk u dorëzua për asnjë çast.
Për të nderuar këtë figurë madhore, u dha ÇMIMI LETRAR “SULEJMAN KRASNIQI”, për vitin 2024.
Pas përcaktimeve të kritereve të vlerësimit nga komisioni profesional, u nxorën këto përfundime:
Vendi i Parë– poezia “Mungesë”
Vendi i Dytë – tregimi (proza) “Si të vrasësh nëpërmjet dashurisë”
Vendi i Tretë– poezia “Etje e pashuar”, shifra: Milosao.
Këto çmime janë një shenjë e vogël falënderimi për ata që vazhdojnë të frymëzohen nga vepra e tij dhe që i shërbejnë letërsisë, kulturës dhe kujtesës kombëtare.
Jemi krenarë që mbajmë gjallë emrin dhe veprën e tij dhe që e ndajmë këtë trashëgimi me brezat e rinj u tha në ditën e Bibliotekës Komunale “Sulejman Krasniqi”.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
