Aliu: Bedri Hamza është adresa e zgjidhjes së kërkesave të punjonësve të Arsimit

14/12/2024 Institucionet

Kandidati i PDK-së për Kryeministër, Bedri Hamza, i shoqëruar nga kryetari i Ferizajt, Agim Aliu, mbajti një takim me mësimdhënësit ferizajas. Ai  ka folur për reformat në arsim, duke premtuar një të ardhme të re për arsimin, me nxënës të pajisur me aftësitë e së nesërmes, duke i mbështetur fëmijët, familjet dhe mësimdhënësit. Përveç rritjes 50% të pagave për të gjithë punëtorët e arsimit në Kosovë, Bedri Hamza ka premtuar edhe 100 euro subvencion mujor për çdo familje që nuk mund t’i regjistrojë fëmijët në çerdhet publike dhe detyrohet t’i regjistrojë ata në çerdhe private. Për studentët, Hamza ka premtuar edhe Fond Shtetëror të Bursave. Një e ardhme e re për arsimin, me nxënës të pajisur me aftësitë e së nesërmes, duke i mbështetur fëmijët, familjet dhe mësimdhënësit. Arsim cilësor, me mësim gjithëditor, me psikologë e zyrtarë të sigurisë nëpër shkolla dhe programe kundër dhunës, bullizmit e abuzimit. Arsim të digjitalizuar fillor dhe të mesëm, me tabela, mjete e materiale mësimore digjitale për çdo klasë dhe me softuer digjital kombëtar për arsimin, ka deklaruar Kandidati i PDK për Kryeministër, z. Bedri Hamza. Derisa i pari i komunës së Ferizajt, Agim Aliu në fjalën e tij para qindra punonjësve të Arsimit ka deklaruar se Bedri Hamza është zgjedhja e mësimdhënësve, është adresa e zgjidhjes së kërkesave e nevojave të punjonësve të Arsimit për paga e kushte dinjitoze të punës, program e infrastrukturë arsimore me tipare dalluese, cilësi e konkurrueshmëri. Bashkë me Kandidatin Bedri Hamza. Bashkë për Kosovën më të mirë, ka thënë në fjalën e tij, kryetari i  komunës së Ferizajt, Agim Aliu.

Kontrolloni gjithashtu

Shkollarët e shkollës “Ahmet Hoxha” zunë vendin e parë në futsall në Garat Republikane

Shkollarët e shkollës “Ahmet Hoxha” nga Ferizaj zunë vendin e parë në futsall në Garat …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara