Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova dhe Gjermania kanë nënshkruar një Marrëveshje Bilaterale në Fushën e Mbrojtjes dhe Sigurisë, gjatë vizitës zyrtare të komandantit të Forcës së Sigurisë së Kosovës, Gjenerallejtënant Bashkim Jashari, në Berlin. Marrëveshja u finalizua mes Gjeneral Bashkim Jasharit, dhe Shefit të Mbrojtjes të Gjermanisë, Gjeneral Carsten Breuer. Gjatë takimit bilateral, dy gjeneralët diskutuan për sfidat globale dhe rajonale të sigurisë, duke nënvizuar rëndësinë e thellimit të bashkëpunimit ushtarak ndërmjet Kosovës dhe Gjermanisë. Sipas njoftimit të FSK-së, marrëveshja garanton mbështetje politike, ushtarake dhe ligjore nga Gjermania për Forcën e Sigurisë së Kosovës, veçanërisht në përpjekjet e saj për pjesëmarrje në organizata ndërkombëtare. Fushat kryesore të bashkëpunimit përfshijnë: Stërvitjet dhe trajnimet ushtarake, mbështetjen teknike dhe logjistike, zhvillimin e kapaciteteve mbrojtëse, e të tjera.
