Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ambasadori i Kosovës në Maqedoninë e Veriut, Gjergj Dedaj, ka komentuar vendimin e Komisionit Qendror të Zgjedhjeve, për moscertifikimin e Listës Serbe për zgjedhjet parlamentare të 9 shkurtit 2025. Sipas tij, ky veprim nuk është asgjë më shumë se një farsë elektorale e organizuar mes pushtetit aktual dhe Listës Serbe, për të krijuar një opinion të rremë tek votuesit. Dedaj theksoi se skenari i refuzimit publik është një veprim i koordinuar për të krijuar një perceptim të rrejshëm të përplasjes mes palëve. Ai shtoi se ky skenar është i ngjashëm me ngjarjet në Kuvendin e Kosovës, ku deputetët e Listës Serbe, pavarësisht se fillimisht nuk u lejuan të hynin në sallë, përfundimisht u lejuan të nënshkruanin për mëditje gjatë një pauze të orkestruar nga kryesuesi i Kuvendit. Në këtë mënyrë, krijohet një përshtypje mashtruese, populiste që është tipike për qasjen e Vetëvendosjes në KQZ, shkroi Dedaj. Ai deklaroi se pjesëmarrja e Listës Serbe në zgjedhje është e garantuar përmes pëlqimit dhe koordinimit me pushtetin aktual.
