Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i NISMA Socialdemokrate, Fatmir Limaj, vizitoi Odën e Karadakut ku ndodhej mes miqve dhe bashkëluftëtarëve të UÇK-së, duke shprehur krenarinë e tij për kontributin historik të këtij vendi dhe për të ardhmen euroatlantike të Kosovës. Në odën e Karadakut, mes miqve dhe bashkëluftëtarëve, ndjeva një krenari të veçantë për të kaluarën, por edhe për të ardhmen e Kosovës, shkroi Limaj, duke vlerësuar forcën dhe sakrificën që ky vend ka dhënë për lirinë dhe pavarësinë e vendit. Ai theksoi se idealet që udhëhoqën luftën për liri janë ende të gjalla, tani të orientuara drejt ndërtimit të një Kosove të sigurt dhe me aspirata euroatlantike. Të takosh bashkëluftëtarë të UÇK-së është një nder i madh. Dikur ideali për lirinë ishte gjithçka që na udhëhoqi. Sot, na bashkon angazhimi për një të ardhme të ndritur për Kosovën, deklaroi Limaj, duke falënderuar ata që vazhdojnë të kontribuojnë për një Kosovë fituese. globale.
