Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas paralajmërimit të kryeministrit Kurti për kërcënime të reja terroriste gjatë festave të fundvitit, ministri i Mbrojtjes, Ejup Maqedonci, ka siguruar publikun për gatishmërinë e ushtrisë së Kosovës për t’u përballur me çdo sfidë. Ai tha se kapacitetet e Forcës së Sigurisë së Kosovës janë fuqizuar ndjeshëm falë trefishimit të buxhetit për ushtrinë gjatë këtij mandati dhe blerjes së armëve të sofistikuara nga Amerika, Turqia dhe Gjermania. Kemi arritur të sigurojmë dronë Bajraktar, sisteme të avancuara dhe raketat Xhavelin, të cilat janë shumë të rëndësishme për mbrojtjen ndaj tankeve. Shpresojmë që t’i kemi në dispozicion deri në vitin 2025, deklaroi Maqedonci. Ai shtoi se këto armë ndalojnë depërtimin e mjeteve të blinduara dhe tankeve brenda territorit të Kosovës. Ministri theksoi se, pavarësisht kërcënimeve, ushtria do të përmbahet nga dërgimi i trupave në veri, siç ishte zotuar Kosova në vitin 2013.
