Kryetari i komunës së Ferizajt z. Agim Aliu ka mirëpritur të enjtën në takim drejtuesit dhe anëtarët e klubit të vetëm ferizajas të arteve marciale të përziera MMA 05.
Kryetari Aliu i përgëzoi ata për sukseset e arritura gjatë këtij viti ku veçohen kampionët në garën mbarëkombëtare Ruzhdi Hajdini dhe Anik Bucaliu si dhe nënkampioni Gentrit Hakiu me trajnerin e parë Përparim Hajdini dhe ndihmëstrajnerin Bardh Topalli. Ky klub kampionësh i solli qytetit të Ferizajt tri trofe kampioni.