Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për deputet i LDK-së, Arben Gashi, ka kritikuar kryeministrin Albin Kurti për shmangien e tij ndaj Kuvendit, mediave dhe debateve televizive. Gashi ka akuzuar Kurtin se po i shmanget llogaridhënies për të mos nxjerrë në pah dështimet dhe aferat e qeverisjes së tij. Në Parlament i ik debatit. Në interpelanca nuk paraqitet. Komisionet hetimore parlamentare i paralizon. Debateve televizive iu shmanget. Dhe së fundmi, i paska ndaluar gjithë ekipin garues të partisë që të mos paraqiten askund, shkroi Gashi. Arsyeja kryesore për këtë shmangie është fshehja e skandaleve dhe dështimeve: Llogaridhënia parlamentare, Kurti nuk dëshiron të ballafaqohet, sepse kjo nxjerr në pah problemet e qeverisjes, përfshirë figurat si “Martinët, Ngagipat dhe Rozetat.” Hetimi parlamentar: Paralizohet për të mos zbardhur skemat korruptive. Shmangia nga debatet: Si në parlament, ashtu edhe në media, për të mos u përballur me kritikat dhe dështimet. “Kosova ka nevojë për ndryshim! Koha është për veprim – bëhu ndryshimi!” përfundoi ai.
