Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-drejtori i Zyrës për Kontrollin e Pasurive të Huaja në Departamentin e Thesarit Amerikan, John Smith, deklaroi se ndryshimet e fundit në urdhrin ekzekutiv për Ballkanin Perëndimor, të miratuar nga Presidenti Xho Biden, reflektojnë shqetësimin e vazhdueshëm të qeverisë amerikane për situatën në rajon. Në një intervistë për Zërin e Amerikës, Smith vuri në dukje se zgjerimi i urdhrit përfshin masa të reja, si penalizimi i përpjekjeve për të mbështetur individë të sanksionuar dhe ndëshkimi i anëtarëve të familjes së tyre të rritur. Ai theksoi se këto ndryshime janë një sinjal i qartë për individë të caktuar që kërcënojnë stabilitetin rajonal, duke paralajmëruar masa ndëshkuese nëse nuk ndryshojnë qasjen. Presidenti Biden ka vendosur ta mbajë në fuqi urdhrin ekzekutiv të vitit 2001, i cili synon luftën kundër ekstremizmit dhe mbrojtjen e stabilitetit në Ballkan, duke përfshirë zbatimin e Marrëveshjeve të Dejtonit dhe Rezolutës 1244 të OKB-së për Kosovën. Kjo politikë konsiderohet thelbësore për sigurinë kombëtare dhe interesat e jashtme të Shteteve të Bashkuara.
