Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni i Pavarur i Mediave në mbledhjen e mbajtur sot mirat0i plotësim-ndryshimin e rregullores së brendshme, e cila përfshin zgjedhjen e kryetarit dhe nënkryetarit të ri, para se t’i skadojë mandati kryetarit aktual. Kryetari i KPM-së, Jeton Mehmeti, deklaroi se ndryshimi i rregullores kërkon diskutim publik, por që kjo u kundërshtua nga anëtarët, të cilët deklaruan se kjo është çështje e brendshme dhe se nuk ka arsye për diskutim. Ndërkohë bëhet e ditur se në mbledhjen e jashtëzakonshme të Komisionit të Pavarur të Mediave të thirrur nga Luljeta Aliu, Besnik Berisha është zgjedhur kryetar i ri i këtij institucioni, me katër vota “pro” dhe një votë e pavlefshme. Emri i Besnik Berishës është propozuar nga një prej anëtarëve të KPM-së. Gjithashtu është propozuar për nënkryetare Luljeta Aliu, e cila e ka thirrur mbledhjen. Juristja e medias, Flutura Kusari, e ka cilësuar këtë zhvillim si përpjekje të pushtetit për kapjen e KPM-së.
