Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke komentuar mbitërheqjet bankare ( overdraft ) të qytetarëve nga bankat, njohësit e fushës së ekonomisë kanë tërhequr vërejtjen se kjo është me pasoja të rrezikshme për qytetarët. Banka Qendrore e Kosovës bënë të ditur për KosovaPress se nga janari deri në muajin tetor të vitit 2024, vlera e overdrafteve në Kosovë arrin shumën mbi 527 milionë euro. Në vitin 2020 mbitërheqjet kanë qenë 143 milionë euro. Duke folur për këtë dukuri të rrezikshme, eksperti i ekonomisë, Mustafë Kadrija ka tërhequr vërejtjen se rritja e vlerës së overdraftit tregon se pagat në Kosovë nuk po i plotësojnë nevojat e të punësuarve. “Kjo është testi më i mirë që të punësuarit në Kosovë nuk po i plotëson edhe ato pagat çfarë i marrin, nuk i plotësojnë as pjesën optimale, shportën e konsumit dhe tekstilit dhe për fat jo të mirë futen në overdraftet. Dihet që overdraftet i kanë dukshëm kamatat dhe interesin shumë më të lartë sesa një kredi normale. Vlerësoj që BQK-ja dhe qeveria e Kosovës, duhet në këtë drejtim duhet të rrisin vigjilencën që të fuqizohen pagat si në sektor publik dhe privat që qytetari i Kosovës mos të ketë nevojë për overdraft dhe këto lloje që janë të rrezikshme për të ardhmen e qytetarit të Kosovës nga aspekti ekonomik” ka tërhequr vërejtjen, eksperti i ekonomisë, Mustafë Kadriu.
