Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryeministër i koalicionit AAK, Nisma, Lista Konservatore dhe Forumi Intelektual E-30, Ramush Haradinaj po qëndron në Shtetet e Bashkuara të Amerikës, për të marrë pjesë emërimin zyrtar të kryetarit amerikan, e presidentit Donald Trump. Ai u shpreh thellësisht i nderuar për ftesën që i është bërë për të qenë prezent atje, ndërsa tregoi se ka zhvilluar disa takime. Jam thellësisht i nderuar ta filloj këtë fundjavë festive me ftesë të miqve tanë na Ajovës e në shenjë të këtij momenti historik. Ishte e një rëndësie të jashtëzakonshme të takohesha me Metju Whitaker, i përzgjedhur i Presidentit Trump për ambasador të në NATO, Senatoren Joni Ernst dhe kongresmenët nga Ajowa. Lidhja ndërmjet Kosovës me Ajovën e iniciuar përmes Programit të Partneritetit Shtetëror ndërmjet Gardës Kombëtare, dhe Forcës së Sigurisë së Kosovës, është e rëndësisë jetike në realizimin e synimeve tona drejt NATO-s, ka shkruar Ramush Haradinaj, në një postim të tij.
Ajo që filloi si një marrëdhënie e bazuar në mësim dhe mbështetje të ndërsjellë, është shndërruar në marrëdhënie strategjike dhe një afërsi që shkon shumë përtej bashkëpunimit ushtarak. Sot, ajo përfshin lidhje më të gjera mes vendeve tona, edukimit, ekonomisë dhe kulturës, duke qëndruar si një shembull i shkëlqyer i asaj që mund të arrijnë miqësia dhe partneriteti”. “Iowa ka luajtur një rol vendimtar në rrugëtimin e Kosovës, dhe mbështetja e palëkundur nga Garda Kombëtare e Iowas, së bashku me besimin dhe përkushtimin e tyre, ka ngritur bashkëpunimin tonë në lartësi të reja. Sot, jo vetëm që qëndrojmë krah për krah në paqe, por gjithashtu shërbejmë së bashku në misione për siguri dhe paqe, duke treguar forcën e vërtetë të këtij partneriteti”, ka shkruar Ramush Haradinaj, në një postim të tij.
