Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Gjykatën Speciale, në Hagë, u mor në pyetje dëshmitari i 114-të i Zyrës së Prokurorit, Hansjoerg Shtrohmejer, në procesin gjyqësor kundër, Hashim Thaçit, Kadri Veselit, Rexhep Selimit dhe Jakup Krasniqit. Pyetjet për këtë dëshmitar i ka filluar prokurorja Vega Iodice, e cila tha se Shtrohmejer ka qenë këshilltar juridik në Misionin e Kombeve të Bashkuara në Kosovë nga qershori deri në shtator të vitit 1999. Dëshmitari ka rrëfyer për situatën që ka parë në Kosovë kur ka mbërritur dhe takimet që ka pasur me udhëheqësit e UÇK-së dhe çështjet që kanë diskutuar së bashku. Ai ka dhënë dëshmi për njësitet policore të UÇK-së, autoritet lokale dhe tensionet që kanë pasur UNMIK-u me qeverinë e përkohshme të Kosovës, tha prokurorja. Hansjoerg Shtrohmejer ka pohuar se pranonin raporte për krime që pretendohej se anëtarët e Ushtrisë Çlirimtare të Kosovës, i kryenin në kohën kur ai ishte si këshilltar juridik në Administratën e Përkohshme të UNMIK-ut që ishte instaluar, në Kosovë. Edhe njëherë, edhe në këtë rast nuk është se më kujtohet ndonjë rast konkret, megjithatë, këto ishin llojet e raporteve që ne merrnim aso kohe”, tha dëshmitari Shtrohmejer. “Betimi për Drejtësi”.
